欧易

欧易(OKX)

国内用户最喜爱的合约交易所

火币

火币(HTX )

全球知名的比特币交易所

币安

币安(Binance)

全球用户最多的交易所

《麻雀》(午言)

2023-04-03 20:43:01 396

摘要:勒了六十多年前头,一位大师傅勒了杭州刘庄讲:中国对世界有三大贡献,中医、《红楼梦》、麻将牌…。第一、大师傅当年勒了延安得了风湿性关节炎,臂膊也抬勿起来,吃西药呒么效果,李鼎铭就开了四帖中药,立杆见影,神奇见效!后来,唐由之用“金针拨障法”完...


勒了六十多年前头,一位大师傅勒了杭州刘庄讲:中国对世界有三大贡献,中医、《红楼梦》、麻将牌…。

第一、大师傅当年勒了延安得了风湿性关节炎,臂膊也抬勿起来,吃西药呒么效果,李鼎铭就开了四帖中药,立杆见影,神奇见效!后来,唐由之用“金针拨障法”完满治愈了大师傅格白内障,讲一句:“祝针灸万岁”!当即批示:中医药应该很好格保护搭发展,已经有几千年历史了,是祖国格宝贵财富!

​ 勒了五十年前头,尼老头来到中国看到了阿拉格“针刺麻醉”,十分惊奇,老外一眼搞勿懂,啥格情况?于是尼老头收到了一本英文版《中国针刺麻醉》,搿本书传到了美国,顿时引起了一股“中医热”搭仔“针灸热”。

我小辰光老屋附近就有四大名医:张重友(张聋膨)大本事,搭好婆托落熟,我一直钻到“聋膨”屋里厢,闻闻针灸格怪味道,石家石小山(勿是筱字哦)、石幼山两弟兄是专看跌打损伤格名医,听好婆讲过石小山救盖叫天格故事,还有黄鍾祥诊所、张義勇诊所…,侪是中医、侪是神医!

第二、​中国封建社会末期,清庭越来越闭关锁国,表面康乾盛世,实质上社会面矛盾日益加深,曹家是隑了康熙格牌头,做了五十八年江宁织造,铜钿是捞足了,白玉为堂金作马 住勿下金陵一个史 龙王请来金陵王 珍珠如土金如铁 荣宁两府,名门望族。万事万物侪会变,而变是唯一勿变格,康熙塌冷、九子夺位,侬呒么看准四阿哥,出事体就是辰光问题了,雍正搭侬一算账,贾政就割职抄家,贾源、贾代善创下来格家产就没得了,赤脚地皮光,难么轮到贾宝玉就流落到了北京西郊,苦渡光阴,勤奋写作,勒了1754年弄出来一部千古奇书《红楼梦》,曹雪芹一家头创立了一门学科——红学,可以负责任格讲,将来之将来,世界浪厢还会有交关人去仔细研究格!

​ 第三,麻将牌传说是三宝下西洋辰光,为了解解厌气发明格。我今朝讲另外一只版本,清朝道光年间,一个浙江慈溪人,勒了宁波当三品内阁中书,休闲打牌辰光发现纸牌容易作弊,还容易撕坏勿经打,于是就拿纸牌改竹骨牌,凡是赌博朋友侪想发财,看见铜钿后眼睛就会发绿,纸牌里红花改成了“绿发财”,赌博格规律是久赌必输,到头来一定会白弄一场,白花就变成“白”板、“大怪”就改成了红“忠”,再一想赌博格朋友侪呒么良心格,就去脱下头格“心”变成红“中”,宁波靠海,渔民们出海要看“东南西北”风向,渔网、绳索便是“索”、装淡水、装鱼侪要用筒,“筒子”来了,收入要用“万”来记,筒、索、万、数量根据1~9基本要素,所以各有9张,船要停靠叫“听庄”,上海人白相“敲麻”听庄就勿动了,再动两只船相撞叫作“碰”,和牌又叫胡牌,神奇十三才能胡牌!手里十二只牌叫小相公、十四只就叫大相公,勿能胡牌,只能摸啥厾啥,只有幸运十三才可以胡牌。听到麻雀叫,就晓得马上要靠岸了,可以看到家小了,一开心手里厢格麻将就叫麻雀了。

​ 讲到麻雀,想起了小辰光一场麻雀战,12月13号凌晨开始,一声令下《全市围攻麻雀》,马路浪厢、弄堂、天井里、屋头顶、市中心、乡下头,红旗招展,一夜之间布满了无数岗哨、市中心新成区、榆林区杨浦路、卢家湾区斜土路连夜竖起了八万多个假人,有人想得真周到,公园、公墓、苗圃地广人稀哪能办?就设立150只火q区,南洋女中射击队员就得到了极大格锻炼,机关干部带头、工人、农民、解放军、大学生、中学生、小学生,大家一道朝天呐喊,响声震天,此起彼伏,还要敲锣打鼓,我也爬到了屋头顶,手里拿了一只铜面盆拼命敲,哇啦哇啦朝天浪厢喊啊喊,喉咙就此喊坏脱,所以卡拉OK辰光一到高音就唱勿上去了…,妖!麻雀真格会从天浪厢甩下来…!当日报纸格特大头条新闻:今天全市人民大战麻雀,据统计到今晚8点,全市一共消灭了麻雀194432只…

​ 从麻将讲到《麻雀》

版权声明:本站所有文章皆是来自互联网,如内容侵权可以联系我们( 微信:bisheco )删除!

相关推荐

友情链接
币圈社群欧易官网